Ministrja e Arsimit Arbërie Nagavci ka mbajtur një takim me drejtorin e UNFPA për Kosovë, Shqipëri, Maqedoni të Veriut, Bosnje dhe Hercegovinë dhe Serbi, John Kennedy Mosot dhe udhëheqësen e zyrës së UNFPA në Kosovë, Visare Mujko Nimani.
Nëpërmes një postimi Nagavci ka treguar temë diskutimi ishte inicimi i programit master për edukatë seksuale gjithëpërfshirëse.
“Diskutua për inicimin e programit Master në Edukatë Seksuale Gjithëpërfshirëse, në bashkëpunim me Fakultetin e Mjekësisë dhe IKShPK-në dhe veprimet të cilat janë ndërmarrë në realizmin e kësaj iniciative”, ka shkruar ajo.
Tutje Nagavci shtoi se u diskutua edhe për shkollat si promovuese të shëndetit dhe edukimit shëndetësor.
“I informova për politikat arsimore të cilat kanë në fokus shëndetin dhe mirëqenien e fëmijëve, përfshirë edukimin seksual dhe shëndetin riprodhues, e cila është e integruar në Kurrikulën e Kosovës”, ka shkruar Nagavci.