Deputeti i Lidhjes Demokratike të Kosovës, Besian Mustafa, ka reaguar pas vendimit të Qeverisë për rritje të tatimit në pronë, duke thënë se ky vendim do të ndikojë tek qytetarët.
Sipas Mustafës, Lëvizja Vetëvendosje e ka pjesë “themelore të ideologjisë për t’i rritur tatimet deri të varfërohen qytetarët”.
Mustafa ka thënë se ministri i Financave, Hekuran Murati me këtë vendim po dëshiron që t’u lë fajin komunave.
“Hekuran Muratit tatimin në pronë, sikurse rrogën, ja paguajnë qytetarët. Ai e rritë tatimin në pronë e qytetarëve ju zbrazen xhepat. Natyrisht, e gjunë gurin dhe tenton t’ua lë fajin komunave. Çka keni pritë ju ndryshe prej një partie të majtë? Ata e kanë pjesë themelore të ideologjisë me i rritë tatimet deri të varfërohen të gjithë. Barazi në varfëri”, ka shkruar Mustafa.
/TV Arbëria
