Në mbledhjen e sotme të Komisionit për mbikëqyrjen e Agjencisë së Kosovës për Inteligjencë, raportoi drejtori i AKI-së, Petrit Ajeti.
Dyert e sallës ku u mbajt takimi ishin mbyllur për media, raporton Indeksonline.
Megjithatë, pas përfundimit të takimit, kryetarja e këtij komisioni, Ganimete Musliu, tha se gjendja e sigurisë në Kosovë është e qetë dhe se nuk ka vend për t’u shqetësuar.
Musliu shtoi se situata në pjesën veriore të vendit është e qëndrueshme, ani pse Serbia është duke bërë përpjekje të vazhdueshme për tensionime.
Musliu deklaroi se një grup terrorist është duke kryer ushtrime në disa lokacione, duke shtuar se grupi i udhëhequr nga Milan Radojiçiqi dyshohet të ketë përkrahje nga Beogradi zyrtar.