Të dielën në Ferizaj pas një mosmarrëveshjeje mes dy grupeve të cilët janë përfshirë në rrahje kanë pësuar lëndime trupore.
Katër të dyshuar meshkuj kosovarë janë shoqëruar në stacionin policor dhe të njëjtit pas intervistimit janë liruar në procedurë të rregullt, ndërsa dy të dyshuar ishin arratisur, njofton policia.
Rasti është cilësuar si “Lëndim i lehtë trupor & armëmbajtje pa leje & asgjësim apo dëmtim i pasurisë”, ka raportuar policia.
“Rr. Reçaku, Ferizaj 28.04.2024, 18:30. Është raportuar rasti lëndim i lehtë trupor ku pas një mos marrëveshje mes dy grupeve të njëjtit ishin përfshirë në një rrahje dhe kishin pësuar lëndime trupore. Katër të dyshuar meshkuj kosovarë janë shoqëruar në stacionin policor dhe të njëjtit pas intervistimit janë liruar në procedurë të rregullt, ndërsa dy të dyshuar ishin arratisur. Pas një rasti asgjësimi apo dëmtimi i pasurisë në lokalin e njërit të dyshuar, njësia policore ka gjetur dhe arrestuar dy të dyshuarit të cilët ishin arratisur. Gjatë kontrollit te njëri nga të dyshuarit është gjetur një pistoletë dhe një fishekë. Pas intervistimit me vendim të prokurorit dy të dyshuarit janë dërguar në mbajtje”, thuhet në raportin e policisë së Kosovës.
