Hajdar Beqa nga Partia Demokratike e Kosovës, ka thënë se vendimi i Gjykatës në Hagë për moslejim të presidentit Hashim Thaçi në ceremoninë e varrimit të babait të tij është vendim I padrejtë.
Ai në emisionin “ARB DEBAT” madje tha se një vendim i tillë nuk do të duhej të ndodhte nga një gjykatë e cila është krijuar nga institucionet e Koosvës.
“Vendim i padrejtë, vendim i cili nuk është dashtë me ndodhë nga një Gjykatë e cila është kriju nga institucionet e Republikës së Kosovës. Ajo Gjykatë tani vetëm është për të disatën herë duke i keqpërdorë të drejtat e veta që i ka, kjo për faktin se një veprim i tillë përveç se është shkelje humanitare është edhe shkelje e ligjit. Dhe normal që gjykatën duhet ta ftojmë para përgjegjësisë për një veprim të tillë përmes institucioneve të Republikës së Kosovës”, tha Beqa në Tv Arbëria.