Balli Kombëtar Demokrat Shqiptar ka mbajtur një deklaratë publike në Gjakovë, ku është theksuar nevoja për një të ardhme të ndërtuar mbi bashkim, paqe dhe zhvillim, duke u distancuar nga ideologjitë dhe regjimet e së kaluarës që, sipas tyre, kanë sjellë ndarje dhe vuajtje.
Në deklaratë thuhet se shoqëria duhet të fokusohet në arsim, ekonomi dhe unitet kombëtar, duke mos rikthyer “fantazmat e së kaluarës” apo ideologjitë që kanë ndarë popullin shqiptar.
Po ashtu, u theksua angazhimi për një të ardhme paqësore dhe moderne për Kosovën dhe Shqipërinë, duke e mbyllur mesazhin me thirrjen: “Paqe, unitet dhe progres për brezat tanë.”