Arabia Saudite thuhet se po konsideron t’i kërkojë Kinës ndërmjetësim për të zgjidhur krizën e vazhdueshme në Detin e Kuq, ku rebelët Houthi vazhdojnë sulmet e tyre ndaj anijeve tregtare të lidhura me Izraelin në përgjigje të luftës në Gaza.
Sipas burimeve të cituara nga gazeta libaneze Al-Akhbar, ministri saudit i Mbrojtjes Khaled bin Salman, i cili udhëtoi në Kinë të martën për të diskutuar partneritetin strategjik të mbrojtjes midis Pekinit dhe Riadit, u tha diplomatëve kinezë se mbretëria është gati të bëjë lëshime për grupi rebel jemenas në këmbim të pezullimit të sulmeve kundër anijeve që shkojnë ose nisen nga portet saudite.
Propozimi saudit vjen pasi Pentagoni njoftoi javën e kaluar se kishte tërhequr aeroplanmbajtësen USS Dëight D. Eisenhoëer nga zona pas një misioni gati tetë-mujor për të kundërshtuar sulmet e Houthi-t. USS Theodore Roosevelt aktualisht është në rrugë nga Paqësori për ta zëvendësuar atë.
Për më tepër, ditët e fundit Greqia dërgoi fregatën e saj Psara për t’iu bashkuar operacionit Aspides, misioni i BE-së për sigurinë e lundrimit në Detin e Kuq.
