Mbretëria e Bashkuar u ka bërë thirrje “të gjitha palëve” në Siri që “të mbrojnë civilët” dhe të sigurojnë që “ndihma thelbësore” të arrijë tek njerëzit.
Zëdhënësi i kryeministrit tha të hënën: “Siç tha kryeministri, popullit sirian i është dashur ta durojë regjimin brutal të Assadit për një kohë të gjatë”.
“Ai mori jetë të panumërta, përhapi destabilitet në të gjithë rajonin dhe çoi në vuajtje të tmerrshme mes popullit sirian”.
“Fokusi ynë tani është të sigurojmë që një zgjidhje politike të mbizotërojë dhe të rivendoset paqja dhe stabiliteti në Siri, ne u bëjmë thirrje të gjitha palëve të mbrojnë civilët dhe të sigurojnë që ndihma thelbësore të arrijë tek më të cenuarit në orët dhe ditët e ardhshme”.
Fokusi i Mbretërisë së Bashkuar kur bëhet fjalë për Sirinë është “dialogu me aleatët rajonalë për të arritur një zgjidhje politike”, u tha në reagim.