Mustafa Shaljani, miku i Gilmando Danit i cili mbeti i plagosur në atentatin në rrethrrotullimin e Rinasit ka ndërruar pas 5 ditësh.
“Tiranë/Informacion shtesë. Në vijim të informacionit të dhënë më datë 11.11.2025, mbi ngjarjen e ndodhur tek rrethrrotullimi i Rinasit, ju informojmë se shtetasi M. Sh. (Sh.), i cili mbeti i plagosur, ka humbur jetën gjatë natës”, njofton policia.
Shaljani dhe Gilmando Dani u qëlluan me breshëri plumbash kallashnikovi ditën e martë të kësaj jave sapo dolën nga rrethrrotullimi i aeroportit të Rinasit.
Shaljani u qëllua me 10 plumba dy në kokë e tetë në trup, ai ishte në gjendje të rëndë shëndetësore që nga prej ditës së martë dhe ndodhej i intubuar nën terapi intensive tek spitali i Traumës. Pavarësisht përpjekjeve të mjekëve, ai nuk arriti t’i mbijetonte plagëve.
Mustafa Shalijani ishte bërë pjesë e Agjencisë së Mbikqyrjes Policore si agjent në shtator të këtij viti.