Shkruan: Emine Krasniqi
Masakra e Izbicës mbetet një nga krimet më të rënda të kryera gjatë luftës në Kosovë. Më 28 mars 1999, forcat serbe ekzekutuan mbi 100 civilë shqiptarë në fshatin Izbicë të Drenicës.
Kjo masakër është dëshmi e qartë e dhunës dhe spastrimit etnik që u ushtrua ndaj popullit shqiptar. Izbica sot qëndron si simbol i dhimbjes, por edhe i qëndresës dhe kujtesës kolektive për drejtësi.
Ngjarja tronditi opinionin ndërkombëtar dhe forcoi thirrjet për ndërhyrje kundër krimeve që po ndodhnin në Kosovë. Pamjet dhe dëshmitë nga Izbica u bënë pjesë e dokumentimit të gjenocidit.
Edhe sot, familjet e viktimave vazhdojnë të kërkojnë drejtësi për të dashurit e tyre. Kujtimi i tyre mbetet i gjallë në ndërgjegjen kolektive të popullit.
Izbica është një plagë e hapur e historisë sonë, por edhe një thirrje e përhershme që krime të tilla të mos përsëriten kurrë më.
/TV Arbëria