Hailie Jade Mathers është bërë zyrtarisht nuse.
Vajza e reperit Eminem ka ndarë lajmin e gëzueshëm me fansat në rrjete sociale.Ajo njoftoi se ishte martuar me partnerin e saj prej shumë kohësh, Evan McClintock, gjatë fundjavës.
“E zgjuar si grua këtë javë”, nis përshkrimi i Jade Mathers. “Nuk mund të kishim kërkuar një festë më të mirë, më të bukur fundjave. Kishte shumë lotë gëzimi, u panë të qeshura e buzëqeshje dhe u ndje shumë dashuri. Evan dhe unë ndihemi kaq mirënjohës për të gjithë familjen dhe miqtë që udhëtuan për të na mbështetur dhe për të qenë pjesë e këtij kapitulli të ri të jetës sonë si burrë e grua”.
Mathers dhe McClintock u fejuan në shkurt 2023 pasi ishin në një lidhje për disa vite.