Analisti Afrim Kasolli, i ftuar në “Arb Debat” me Rid Berishën, ka folur për marrëveshjen trilaterale mes Kosovës, Shqipërisë dhe Kroacisë, në fushën e mbrojtjes.
Kasolli ka thënë se ky bashkëpunim nuk del jashtë konceptit që ka NATO, si strukturë ushtarake.
“Ky bashkëpunim nuk del jashtë konceptit fundamental që e ka NATO si strukturë ushtarake. Motivimi i saj është gjithmonë si strukturë mbrojtëse, sepse nuk guxojnë Kroacia dhe Shqipëria, duke qenë edhe anëtare të NATO-s, të dalin jashtë kësaj doktrine të sigurisë. Pra, edhe ky bashkëpunim trilateral është i formësuar dhe i organizuar rreth këtij koncepti, koncepti që këto vende e kanë për ta perfekcionuar më shumë dhe për ta rritur bashkëpunimin në sferën e mbrojtjes,” ka thënë Kasolli.