Mark Baftijaj ka reaguar me tone të ashpra ndaj analistit Blerim Shala, duke e akuzuar për përhapje të gënjeshtrave dhe narrativave që, sipas tij, janë në dëm të interesave shqiptare.
Në reagimin e tij, Baftijaj thotë se Shala e di mirë se kush ka ndikuar në raportet mes Kosovës dhe Shteteve të Bashkuara të Amerikës, ndërsa kritikon edhe pretendimet e tij lidhur me rolin e Turqisë gjatë luftës në Kosovë.
Sipas Baftijajt, Turqia ka pasur një rol të kufizuar gjatë bombardimeve të NATO-s në vitin 1999 dhe më herët kishte qenë kundër shpërbërjes së ish-Jugosllavisë. Ai shton se pretendimet se Turqia do të kishte ndërhyrë në rast të një skenari të ngjashëm me Bosnjën bien poshtë nga ngjarjet tragjike të luftës në Kosovë, përfshirë masakrën ndaj familjes Jashari dhe krimet e kryera në shumë fshatra.
Në fund të reagimit, Baftijaj i kërkon Blerim Shalës të paraqesë prova për pretendimet e tij, duke kërkuar “qoftë edhe një dokument apo një artikull në gazetat turke” që, sipas tij, do t’i mbështeste deklaratat e bëra.