Një person është arrestuar në fshatin Reqan të Suharekës, pasi njësitet policore kanë zbuluar 56.52 gram substancë të dyshuar narkotike të llojit marihuanë, të fshehur në një kavanoz qelqi të mbushur me lëng të ngjashëm me ajvar apo sos domatesh.
Sipas raportit të policisë, lënda narkotike ishte e kamufluar në mënyrë që të mos binte në sy, por është zbuluar gjatë një kontrolli të realizuar nga njësiti përkatës. Përveç marihuanës, gjatë operacionit është konfiskuar edhe një telefon celular.
I dyshuari është intervistuar dhe me vendim të prokurorit është dërguar në mbajtje, ndërkohë që hetimet rreth rastit janë duke vazhduar.
Rasti është cilësuar si “blerje, posedim dhe shpërndarje e paautorizuar e narkotikëve”.