Arbëria TV

Blog Post

Arbëria TV > Kryesore > Maqedonci thotë se përgatitjet për “Defender Europe 2025” po zhvillohen sipas planit

Maqedonci thotë se përgatitjet për “Defender Europe 2025” po zhvillohen sipas planit

Ministri në detyrë i Mbrojtjes, Ejup Maqedonci bashkë me komandantin e FSK-së Bashkim Jashari kanë vizituar Togun e Mortajave të Regjimentit të Tretë të Këmbësorisë në Mnelë të Shqipërisë, ku po bëhen përgatitjet për ushtrimin “Defender Europe 2025”, ku Kosova do të jetë nikoqire.

“Sot, në Mnelë të Shqipërisë, së bashku me Komandantin e FSK-së, Gjenerallejtënant Bashkim Jashari, vizituam ushtarakët tanë – konkretisht Togun e Mortajave të Regjimentit të Tretë të Këmbësorisë. Kjo njësi po zhvillon stërvitjen e qitjes me mortaja 120 mm, në kuadër të ngritjes së aftësive luftarake të FSK-së dhe përgatitjeve për ushtrimin “Defender Europe 2025”.Aty rikonfirmuam që ushtria jonë është në nivel të atyre të NATO – s për nga përgatitja profesionale, motivi dhe pajisjet në armatim! “, ka shkruar Maqedonci.