Zëdhënësi i Vetëvendosjes, Arlind Manxhuka ka thënë se protesta kundër Gjykatës Speciale është dhjetë vjet e vonuar.
Sipas tij është dashur që në verën e vitit 2015 të kundërshtohet pushteti i atëhershëm.
Manxhuka tutje ka komentuar edhe intervistën e fundit të ish-presidentit Hashim Thaçi.
Ai qëndrimet e tij për Specialen i ka quajtur “të buta”.
“Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij”, ka shkruar ai në Facebook.
Tutje Manxhuka ka thënë se PDK çështjen e të akuzuarve në Hagë e ka përdorur shumë më tepër kundër qeverisë Kurti sesa për lirimin e të akuzuarve.