Presidenti i Francës, Emmanuel Macron, pritet të emërojë një kryeministër të ri brenda 48 orëve, ka njoftuar Pallati Elysee të mërkurën, duke i dhënë fund spekulimeve për mundësinë e zgjedhjeve të reja të parakohshme në vend.
Kjo deklaratë vjen pasi kryeministri në largim, Sébastien Lecornu, konfirmoi se mundësia për shpërbërjen e parlamentit francez po zbehet, pas disa ditë negociatash me partitë politike për të tejkaluar krizën politike që ka përfshirë vendin.
“Ekziston një shumicë në parlament dhe kjo është shumica që është e prirur të shmangë zgjedhjet e reja,” tha Lecornu gjatë një interviste televizive të mërkurën në mbrëmje.