Policia e Kosovës ka njoftuar për arrestimin e 4 personave për posedim të substancave narkotike.
Në raport thuhet se këto arrestime kanë ndodhur në dy lokacione në Ferizaj, një në Parkun e Lirisë, dhe tjetra në Sojevë të Ferizajt.
Ndërsa pas intervistimit nga policia të dyshuarit janë liruar.
Njoftimet e plota:
“Janë arrestuar dy të dyshuar meshkuj kosovarë pasi që gjatë kontrollit në trup si prova materiale u janë gjetur dhe konfiskuar: dy qese me narkotikë të llojit marihuanë në peshë 3.17 gram, një mulli(grinder) dhe një pako me letra mbështjellës të narkotikëve . Të njëjtit pas intervistimit me vendim të prokurorit, janë liruar.”
“Janë arrestuar dy të dyshuar meshkuj kosovarë pasi që te të njëjtit gjatë kontrollit të tyre janë gjetur dhe konfiskuar dy qese najloni me substancë të dyshuar narkotike të llojit marihuanë me peshë rreth 8.53 gram. Me vendim të prokurorit pas intervistimit të dyshuarit janë liruar në procedurë të rregullt.”