Ministri i Punëve të Brendshme, Xhelal Sveçla, ka njoftuar se të dyshuarit që realizuan sulmin terrorist të 24 shtatorit në Banjskë, janë shpallur në sistemin e urdhër arrestit ndërkombëtar të INTERPOL-it.
“Ky është një hap i rëndësishëm dhe si i tillë ka efektin e plotë atëherë kur Serbia e cila është duke strehuar dhe akomoduar këta terroristë, i dorëzon tek autoritetet tona për t’u përgjigjur para drejtësisë” ka thënë mes të tjerash Sveçla.
Sipas tij ky është një hap i rëndësishëm dhe ndëshkimi për urdhërdhënësit, organizatorët dhe ekzekutuesit e këtij sulmi duhet të ndodhë sa më parë, si garancë e mos përsëritjes së akteve të ngjajshme terroriste.
Sveçla poashtu porosit shtetin Serb, se terroristët të cilët është duke i strehuar dhe akomoduar duhet të i dorëzojë tek autoritetet tona për t’u përgjigjur para drejtësisë.
/TV Arbëria
