Gjatë intervistës së gjatë të dhënë për Milan TV, mesfushori i kuqezinjve, Ruben Loftus-Cheek flet edhe për Alvaro Morata, shokun e ri të skuadrës.
“Morata është një lojtar i nivelit të lartë dhe, natyrisht, ai ka fituar shumë gjëra në karrierën e tij, kështu që të kesh një shok skuadre të atij kalibri dhe me atë përvojë në ekip vetëm mund të na ndihmojë. Jam i emocionuar ta shoh përsëri (Kanë qenë të Chelsea bashkë).
Ai është një person shumë i sjellshëm dhe i dobishëm, i cili punon shumë gjatë stërvitjeve dhe nuk duhet të habitemi nga trofetë që ka fituar, sepse kjo është formula e duhur kur je profesionist dhe e merr seriozisht punën” – tha ai.