Kandidati për kryetar të Komunës së Drenasit, Ramiz Lladrovci, pas votimit në Shkollën “Xhevë Lladrovci” në Gllanasellë, ka potencuar se në këtë komunë ka disa probleme të vogla nëpër oborret e shkollave, ndonëse nuk e ka specifikuar natyrën e atyre problemeve.
Ai ka ftuar të gjithë qytetarët e Drenasit që të dalin e të votojnë.
“I ftoj të gjithë qytetarët të Drenasit që të dalin të votojnë, ta shfrytëzojnë të drejtën e tyre për votim, uroj sukses dhe uroj që zgjedhjet të shkojnë ashtu siç duhet sa ma mirë pa asnjë problem, ndonëse kanë filluar problemet në vogla nëpër oborret e shkollave, por ne i kemi kërkuar që të merren të gjitha masat”, tha ai, pas ushtrimit të drejtës së votës së bashku me familjen e tij.