Kryetari i komunës së Drenasit, ka takuar sot, Atdhe Hetemin, drejtorin e Institutit për Krimet e Kryera gjatë Luftës në Kosovë, me ç’rast ka nënshkruar Procesverbalin e dorëzim-pranimit të materialit arkivor, ku të gjitha materialet e grumbulluara nga zyrtarët komunalë për krimet serbe do të dorëzohen te ky Institut.
“Ftoj të gjithë qytetarët e komunës së Drenasit, të cilët disponojnë çfarëdo materiali arkivor që dëshmon për krimet serbe, këtë ta bëjnë me paraqitjen në e mailin: [email protected], apo të kontaktojnë në telefonin 049 651 468”, ka shkruar Lladrovci.
Postimi i plotë i tij:
Me Atdhe Hetemin, Drejtorin e Institutit për Krimet e Kryera gjatë Luftës në Kosovë, nënshkruam Procesverbalin e dorëzim-pranimit të materialit arkivor, me ç’rast, të gjitha materialet e grumbulluara nga zyrtarët komunalë për krimet serbe, gjenocidin e ushtruar në Komunën e Drenasit, do të barten te ky Institut.
Gjenocidi serb i ushtruar ndaj qytetarëve të komunës tonë gjatë viteve 1998-1999, është i dokumentueshëm me dëshmi të shumta të dhjetëra masakrave dhe pres që së shpejti të gjitha materialet e disponueshme, do të dorëzohen te Instituti, si adresë e duhur që me kompetencë po bën punë të shkëlqyer për dokumentimin e krimeve serbe në Kosovë.
Ftoj të gjithë qytetarët e komunës së Drenasit, të cilët disponojnë çfarëdo materiali arkivor që dëshmon për krimet serbe, këtë ta bëjnë me paraqitjen në e mailin: [email protected], apo të kontaktojnë në telefonin 049 651 468.