Lista e zezë e Departamentit amerikan të Shtetit, vlerësohet se do të zgjerohet me emra të tjerë

Gjithashtu, një lëndë tjetër për korrupsion i ishte refuzuar nga Gjykata e Ferizajt, shkaku i parashkrimit.

Prokuroria kishte dyshim të bazuar se sa ishte kryetar i Kaçanikut në 2008-ën, në mënyrë të paligjshme kishte lejuar ndërtimin e një objekti për banim kolektiv në pronë të komunës duke shkelur ligjin.

Sipas profesorit të marrëdhënieve ndërkombëtare, Dritëro Arifi, vendimi i Departamentit amerikan të Shtetit, vërteton se me gjithë parashkrimin e këtyre lëndëve, drejtësisë amerikane është vështirë t’i ikësh.

“Kjo vlen edhe për ata që janë aktualë edhe potencialë të mundshëm. Gjithmonë duhet me ditë që është dikush që ju përcjell, dhe njëfarë mënyre radari i tyre është më i fuqishëm se drejtësia vendore për momentin. Mirëpo urdhëresa presidenciale që ka të bëjë me listën e zezë nuk kufizohet më vetëm në krim dhe korrupsion, por edhe në elemente që e dëmtojnë politikën e jashtme dhe të  sigurisë amerikane, që i bie të gjithë liderët e Ballkanit Perëndimor që nuk i zbatojnë marrëveshjet ndërkombëtare apo nuk i shërbejnë paqes edhe ata mund të futen në listën e zezë”, tha Arifi.