Gazetari Lirim Mehmetaj përmes një opstimi në Facebook ka njoftuar për një shumë me vlerë rreth 2 milionë euro ku thotë se janë ‘avulluar’ për projektimin e digës së Pollatës në Podujevë, përcjell TV Arbëria.
Mehmetaj theksoi se një nga rastet e kësaj hajnie multi-milionëshe është edhe ndërtimi i tri digave për akumulim të ujit në Kosovë.
Postimi i plotë:
Ekskluzive: Edhe 2 milionë të tjera të avulluara për projektimin e digës së Pollatës në Podujevë
Derisa Vetëvendosja po përpëlitet me hartimin e listave për deputetë, unë po vazhdoj punën time në dëshmimin e hajnive milionëshe, sërish nga Liburn Aliu e Naser Hafizi.
Një nga rastet e kësaj hajnie multi-milionëshe është edhe ndërtimi i tri digave për akumulim të ujit në Kosovë.
Këtë herë po iu tregoj për digën e Pollatës në Podujevë.
Për këtë digë, vetë Projekti kryesor i ka kushtuar Kosovës plotë 2 milionë e 225 mijë euro.
Për të njëjtën gjë, në Kroaci, në një vend të Bashkimit Evropian, janë dashur vetëm 265 mijë e 445 euro e 97 centë.
Pra, në Kosovë ka kushtuar e njëjtë gjë 1 milion e 959 mijë e 555 euro më shumë se në Kroaci.
Njëjtë për digën e Kuqicës janë shpenzuar 1 milion e 823 mijë euro më shumë se në Kroaci.
Në veç këto dy raste bëhet fjalë për vjedhje të diçka më shumë se 3 milionë e 700 mijë eurove.
Këto janë para vetëm të projektimit. Ndërtimi i këtyre digave kushton dhjetëra miliona të tjerë.
Paramendojeni hajninë aty sa shkon.
Ju vazhdoni shikoni lista deputetësh, Vetëvendosja shikon listat e vjedhjes së milionave.
