“Liburn Aliu e paska ‘’rahatu’’ gruan e tij në punë të shtetit”, kështu ka deklaruar deputetja e AAK-së, Albana Bytyqi, duke shtuar se ministri Liburn Aliu e ka punësuar gruan në Agjencinë për Informim dhe Privatësi.
Përmes një statusi në Facebook, Bytyqi ka akuzuar partinë në pushtet se e ka pasur veç “fasadë” luftimin kundër nepotizmit.
“Allahile me çfarë fytyre doni me ja mësy pushtetit në zgjedhjet e ardhshme, me çfarë vetëbesimi e me cilin guxim? Nejse duhet më pas fytyrë për me pas marre, e ju nuk e keni”, shkruan ajo mes tjerash.
Shkrimi i saj:
Liburn Aliu e paska ‘’rahatu’’ gruan e tij në punë të shtetit, si Eksperte për Transparencë dhe Qasje në Dokumente Publike” në Agjencinë e Informimit dhe Privatësisë. Mirë boll, të paktën po na e dëshmoni çdo ditë se luftimi kundër nepotizmit ka qenë veç fasadë, ashtu si për shumëçka tjetër, vetëm e vetëm për të ardh në pushtet.
Allahile me çfarë fytyre doni me ja mësy pushtetit në zgjedhjet e ardhshme, me çfarë vetëbesimi e me cilin guxim? Nejse duhet më pas fytyrë për me pas marre, e ju nuk e keni.