Gazetari Vullnet Krasniqi është kërcënuar me jetë nga një qytetar nga Lugina e Preshevës, i cili nëpërmjet një videoje të publikuar në TikTok ka thënë se po shkonte ta vriste atë.
Paparaci përmes burimeve të veta ka mësuar identitetin e të riut i cili nga luginasit njihet si problematik e i përfshirë në disa rrahje.
Bëhet fjalë për Rexhep Xhemailin nga Sumolica e Komunës së Bujanocit, i cili tashmë edhe është raportuar për kërcënim në Policinë e Kosovës nga gazetari Krasniqi.
“Unë jam në Prishtinë, dhëmbët kam me t’i shkulë me dane, kam me ta q f miljen, këtu kam me ta rrasë plumbin…Ta di adresën ku e ke saktë, ta dish, të banesës, mos shko në katund, mos thirr polici…”, dëgjohet ndër të tjera duke thënë Xhemaili në video.
Lidhur me rastin ka reaguar edhe Asociacioni i Gazetarëve të Kosovës, ku ka shprehur shqetësimin për sigurinë fizike të gazetarit Vullnet Krasniqi, duke i kërkuar Policisë që t’ia ofrojë atij mbrojtjen e duhur.
