Kryeministri Albin Kurti, duke kujtuar rënien e fashizmit në Itali më 1945 e rënien e diktaturës në Portugali, tha se partia e tij në Kosovë e lufton fashizmin e sotëm dhe se këtë e bën jo vetëm brenda vendit, por edhe jashtë.
“25 Prilli është Dita e Çlirimit të Italisë, fitorja mbi fashizmin më 1945; ndërsa Portugalia festoi 50 vjet që kur Revolucioni i Karafilit rrëzoi diktaturën më jetëgjatë në Europë. Në të njëjtën frymë, Lëvizja Vetëvendosje e Kosovës vazhdon të luftojë fashizmin e sotëm – brenda dhe jashtë vendit”, ka shkruar sot Kurti në X.
Dita e Çlirimit, e njohur gjithashtu si Përvjetori i Çlirimit të Italisë është një festë kombëtare në Itali që përkujton fitoren e lëvizjes së rezistencës italiane kundër Gjermanisë naziste dhe Republikës Sociale Italiane, shteti kukull i nazistëve dhe shteti i fashistëve, kulmi i çlirimit të Italisë nga pushtimi gjerman. dhe të luftës civile italiane në fazën e fundit të Luftës së Dytë Botërore.
Ndërkaq, Revolucioni i Karafilit, i njohur gjithashtu si 25 Prilli, ishte një grusht-shteti ushtarak nga oficerët ushtarakë që përmbysi qeverinë autoritare Estado Novo më 25 prill 1974 në Lisbonë. Kjo rezultoi në tranzicionin portugez drejt demokracisë dhe fundin e Luftës Koloniale Portugeze. U quajt Revolucion i Karafilit për shkak se karafilat e kuq ishin të shumtë në dyqanet portugeze dhe në tezgat e rrugëve në pranverën e vitit 1974 dhe njerëzit i futën në tytat e armëve të kryengritësve.
https://twitter.com/albinkurti/status/1783738594030424237?ref_src=twsrc%5Etfw%7Ctwcamp%5Etweetembed%7Ctwterm%5E1783738594030424237%7Ctwgr%5Eb0dc8f16f877ee781329a8a7524648588bd2ad7f%7Ctwcon%5Es1_&ref_url=https%3A%2F%2Fekonomiaonline.com%2Fkurti-kujton-renien-e-fashizmit-ne-itali-e-portugali-ne-frymen-e-njejte-vv-e-lufton-fashizmin-e-sotem-ne-kosove-dhe-jashte-saj%2F
/TV Arbëria