Kryeministri Kurti nga takimi i fundit me Aleksandar Vuçiq, në Bruksel, ka dhënë ca detaje të padëgjuara më parë mbi dialogun.
Në një mbishkrim në Facebook, Kurti tha se Vuçiq është i obsesionuar me kryekomandantin e UÇK-së, Adem Jasharin.
Sipas tij, Vuçiq dëshironte që më 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës!
Ndërkaq, në takimin e dytë të mbajtur në Bruksel Kurti tha se Vuçiq është shprehur që Millan Radojçiq do të bëhet Adem Jashari i serbëve.
“Por duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen”, shtoi Kurti në postimin e tij.
/TV Arbëria