Drejtori i RTK-së, Rilind Gërvalla, i cili ende nuk e di se kur do t`i marrin pagat punëtorët e RTK-së, sot ka sulmuar disa media që kanë shkruar kundër tij.
Në statusin e tij për këto media, ai ka marrë mbështetje edhe nga njeriu, i cili njihet si “recidivist” i sulmit ndaj mediave dhe gazetarëve.
Sami Kurteshi, anëtari i VV-së në KQZ, i ka kërkuar Gërvallës që të qëndrojë dhe të mos dorëzohet.
Në komentin e tij, Kurteshi nuk i ka kursyer fyerjet ndaj mediave, duke i quajtur vrasës më pagesë.
“Qëndro! Vrasësit me pagesë një qëllim dhe profesion kanë, vrasjen e dinjitetit – të Njeriut”, ka komentuar Kurteshi në statusin e Gërvallës.
