Maliq Kryeziu prindi i Mentorit, djalit të cilit iu gjetën eshtrat pas 26 vitesh, rrëfeu ngjarjen e ditës kritike të 2 prillit në fshatin Kralan.
I ftuar në emisionin “N’PULT” me Resim Morina, Kryeziu ndër tjerash tha se popullata e këtij fshati nuk ishte larguar nga aty, pasi sipas tij, disa persona u kishin thënë që nuk kanë nevojë të ikin sepse ata do t’i ndalnin forcat serbe.
“Në ditën kritikë me 2 prill ne kemi shkuar në Kralan dhe menjëherë të nesërmen kanë ardhë tankat në Mrasore. Kemi tentu e u largu prej Kralanit por ka dalë dikush dhe ka thënë nuk keni nevojë me ikë se ne i ndalim forcat serbe dhe nuk mujn me depërtu këndej, a realisht Kralani ishte djegur tri herë para se me mbërri ne aty. Dhe kështu popullata ishte në hezitim e sipër dhe u ndalëm. Në fund nuk u bë për me ecë në Shqipëri me ikë dhe u kthyem në drejtim të shkollës së Kralanit”, tha ai./TV ARBËRIA./