Një ngjarje e rëndë ka tronditur sot komunën e Malishevës, ku tre persona kanë humbur jetën si pasojë e një shpërthimi të një bombole gazi në një banesë në lagjen “Mirëdita”.
Viktimat janë Ilir Berisha (35 vjeç) dhe dy fëmijët e tij, të cilët nuk arritën t’u mbijetojnë plagëve të marra nga shpërthimi tragjik.
Lidhur me këtë ngjarje të kobshme ka reaguar edhe Qëndrim Kryeziu, i cili ka shprehur pikëllimin e tij të thellë për humbjen e Ilirit dhe dy fëmijëve të tij.
“Sot me pikëllim të madh u informova për këtë ngjarje tragjike në Malishevë. Ilir Berishën kam pasur rastin ta njoh për mbi 10 vite, si një punëtor i përkushtuar dhe shembullor. Ai ishte njeri i qetë, i dashur dhe gjithmonë falënderues. Kjo është një humbje e rëndë për të gjithë ata që e njohën”, ka deklaruar Kryeziu.
Ai gjithashtu u ka shprehur ngushëllimet më të sinqerta familjes Berisha për këtë humbje të madhe.