Analisti, Branislav Krstiq ka deklaruar se komuniteti serb në Kosovë me vite është viktimë e Beogradit dhe Prishtinës zyrtare.
Krstiq në emisionin “ARB DEBAT” direkt nga veriu i vendit, tha se deklaratat e Vuçiqit për t’i mbrojtur interesat e komunitetit serb në Kosovë janë përrallë dhe propagandë, shkruan Tv Arbëria.
“Ne me vite jemi viktima të Beogradit dhe Prishtinës zyrtare që do me thënë jemi viktima dyfish, dhe ajo është diçka që është realitet i komunitetit serb jo veç në veri por në tërë Kosovën. Me vite Beogradi zyrtarë dhe ai diktatori nga Beogradi tu paralajmëru që Kosova është pjesë e Serbisë, që ne jemi të gatshëm me ushtri, me forcë, me dhunë në qoftë se është e nebojshme për t’i mbrojtë interesat e komunitetit serb në Kosovë, ajo ke veç një propagandë dhe përralla të cilën e kanë hëngër shumica e qytetarëve nga shteti i Kosovës me nacionalitet serb”, tha më tej ai.