Telegram publikoi një artikull për Ivan Samarxhiqin, rektorin e Universitetit të Slavonski Brod, Kroaci, i cili e mbajti studentin Fran Kev në zyrën e tij për 45 minuta.
Ai e ka bindur që të ndryshojë deklaratën që studenti ka dhënë në polici rreth një konfliktit fizik në të cilin ka marrë pjesë djali i rektorit Josip Samarxhiq, gjithashtu student i atij fakulteti.
Djali i rektorit ka qenë pjesëmarrës në një debat para një kafeneje, i cili është shndërruar në një përplasje fizike, ku ka marrë pjesë edhe Ivan Vukoja.
Prokuroria e Shtetit ka refuzuar kallëzimin penal të policisë dhe ka konstatuar se nuk bëhet fjalë për lëndime të rënda fizike, ndaj djali i rektorit ka ngritur padi private kundër Vukojës, raporton index.hr.
Në audio-regjistrime, rektori Samarxhiq i shpjegon studentit Kevi se si djali i tij, Josip ka mundur të rrëzohet dhe të godasë kokën në një stol para kafenesë.
Pak kohë më vonë, duke e bindur studentin se nuk duhet të kesh frikë nga Vukoja, i riu që goditi djalin e rektorit, Ivan Samarxhiq thotë se Vukoja nuk është vërtet një djalë që duhet t’i frikësohesh.
Disa minuta më vonë, rektori tremb Kevan, duke i shpjeguar se duhet të jetë i guximshëm, se nuk duhet t’i frikësohet Vukojës dhe natyrisht se duhet të flasë kundër tij në gjykatë, “sepse, kur njeriu frikësohet, nesër dikush do të vijë në shtëpinë tuaj – do ta prekë gruan dhe do ta përdhunojë”, thotë ai.
Në një intervistë për Telegram, rektori Samarxhiq pranon se i ka kërkuar Kevas të vinte në zyrën e tij dhe se kanë biseduar për incidentin, por, thotë ai, arsyeja e vetme ishte t’ia tregonte videon, sepse mendonte se nuk e ka parë.
Samarxhiq thotë se në atë bisedë “ndoshta e kanë kapluar emocionet” sepse edhe ai është “thjesht burrë”, por mohon se i ka bërë presion Kevit apo se e ka shantazhuar duke e shfrytëzuar postin si rektor. /Telegrafi/