Më 15 prill, presidentja e vendit, Vjosa Osmani ka caktuar datën e konstituimit të Kuvendit të dalë nga zgjedhjet e 9 shkurtit, plot 65 ditë pas mbajtjes së zgjedhjeve.
Lidhur me këtë çështje ka folur Gëzim Shala nga IKD në emisionin “ARB DEBAT” në Tv Arbëria.
Shala ka thënë se aspekti i seancës konstituive është proces i ndarë nga Qeveria.
Derisa ka renditur edhe tri veprimet e seancës konstituive.
“Në seancën konstituive janë tri veprime komplet. I pari është themelimi i komisionit për verifikimin e mandateve dhe verifikimi i mandateve të deputetëve. Veprimi i dytë është betimi i deputetëve dhe veprimi i tretë është konstituimi i Kuvendit në kuptim të zgjedhjes së kryetarit të Kuvendit dhe nënkryetarëve. Dhe vetëm pasi të zgjedhen kryetari dhe nënkryetari, atëherë hapet rruga për një proces tjetër, e që hyrja në një proces tjetër kërkon një vendim të ri të presidentes për caktimin e mandatarit, që në rastin konkret duhet të vije nga partia e parë”, tha më tej Shala.