Në Kosovë është konfirmuar rasti i parë me virusin “Ethet e Nilit”.
Drejtori i Klinikës Infektive në QKUK, Arben Vishaj, ka konfirmuar rastin duke mos dhënë më shumë detaje.
“E kemi një rast ama nuk është diçka shqetësuese. Është një rast që e kemi konfirmuar me virusin VNP. Pacienti është duke u trajtuar”, tha ai për Insajderin.
Se duhet të ketë kujdes nga mushkonjat, sidomos gjatë kohës së verës, pasi virusi i njohur si “Nil” është shpërndarë në shumë vende të botë, ka bërë thirrje edhe Instituti i Shëndetit Publik të Kosovës.