Analisti Afrim Kasolli duke folur për mundësine e koalicioneve dhe konstituimin e institucioneve, ka thënë se kryeministri në detyrë, Albin Kurti do të detyrohet të kapërdijë disa prej premtimeve politike që i ka dhënë në të kaluarën.
Kasolli këto deklarime i bëri në emisionin “ARB DEBAT” në TV ARBËRIA, ku ndër tjerash theksoi se nëse supozohet se Kurtit do t’i duhej ta formonte Qeverinë me partinë e Fatmir Limajt, kjo sipas Kasollit nuk do t’i kthehej në boomerang pasi sipas tij, Kurti me këtë veprim do ti sprovonte mbështetësit e tij duke iu thënë “A jeni që agjentët e Radojiciqit të kthehen në pushtet apo Fatmir Limaj”.
“Kurti do të detyrohet mbase ta kapërdijë njërin prej premtimeve politike që e ka dhënë atë që Lista Serbe nuk do të rikthehet më në pushtet po ashtu edhe partitë e ish regjimit të vjetër. Se ai e ka shpallë si mision të vetin clirimin e Kosovës nga këto entitete politike. Në këtë situatë mund të ndodhë që mund ta kemi një Kurt që e kapërdinë njërën prej këtyre premtimeve, mirëpo kjo nuk mund t’i rikthehet shumë në boomerang. Unë nuk e di tash po supozoj është i mundur koalicioni me Nismën dhe me këto Lëvizjes Vetëvendosje nuk do ti kthehej në boomerang ky koalicion, përkundrazi përkundër premtimit që me ish partitë e regjimit të vjetër nuk bëjë koalicion sepse Kurti i sporovon qytetarët e Kosovës, mbështetësit para një dileme A jeni që agjentët e Radojiciqit të kthehen në pushtet apo Fatmir Limaj. Cila do të ishte përgjigjja e qytetarëve të Kosovës në këtë rast”, tha Kasolli.