Pasi Partia Demokratike dhe Lidhja Demokratike zyrtarizuan koalicionin e tyre në Mitrovicë të Jugut për balotazh, Lëvizja Vetëvendosje nuk deshi të mbetej spektatore në këto zhvillime – ndaj vendosi të “balancojë” lajmin me një aderim simbolik: një ish-anëtar i LDK-së që tashmë kalon në Vetëvendosje.
Lajmin e komunikoi anëtarja e VV-së, Arjeta Fejza:
“Mirëseerdhe Arbnor Hamiti!
Arbnori është i lindur dhe i rritur në Mitrovicë, jurist i diplomuar dhe afarist i suksesshëm.
Për dhjetë vite ai është angazhuar në LDK, duke mbajtur disa funksione, por, ka vendosur t’i bashkohet Lëvizjes për ta vazhduar angazhimin e tij politik në interes të vendit tonë.
Djem si Arbnori janë shembuj që duhen ndjekur. I dëshirojmë mirëseardhje në Lëvizje dhe rrugëtim të mbarë bashkë me ne.”