Kjo është hajnesha që u arrestua për vjedhje në banesën e ministres Hajdari në Prishtinë
Dje nga Njësiti i Hetimeve të Përgjithshme në Prishtinë, është arrestuar një person i dyshuar për një rast “vjedhje e rëndë” që është raportuar me datën 01.10.2023.
Vjedhja u raportua se u krye në banesën e ministres së Industrisë, Ndërmarrësisë dhe Tregtisë, Rozeta Hajdari.
Burimet bënë të ditur se bëhet fjalë për Nerima Kuklecin.
Kështu ka konfirmuar zëdhënësja e Policisë për Rajonin e Prishtinës, Flora Ahmeti.
“Puna e hetuesve policorë, është finalizuar sot, ku pas marrjes së disa veprimeve operative kanë arritur që të identifikojnë dhe të arrestojnë të dyshuarën: – N.K. femër, 33 vjeçare, shtetase e Republikës së Kosovës. E dyshuara me vendim prokurorit të shtetit është dërguar në mbajtje, ndërkohë që hetuesit e stacionit policor po kryejnë veprimet e nevojshme hetimore lidhur me rastin”, tha Ahmeti.
Rasti i vjedhjes është bërë i njohur në raportin 24-orësh të Policisë së Kosovës.
“Prishtinë. 01.10.2023 – 08:00. Ankuesja femër nga Kosova ka informuar se persona të panjohur kanë depërtuar në banesën e saj dhe nga aty kanë kryer vjedhje”, thuhej ndër të tjera në raportin e PK-së.
Në media u raportua se në banesën e ministres u vodhën stoli, kartela bankare etj.
/TV Arbëria
