Mikpritësi i RTS-së e ndërpreu bashkëbiseduesin për shkak të konferencës për media të presidentit të Serbisë, Aleksandar Vuçiq, derisa i ftuari fliste për arsimin.
I ftuari foli për masat në arsim dhe rëndësinë e arsimit, përcjell Nova.rs.
“Ka masa afatshkurtëra dhe afatgjata, e para është t’i rikthehet statusi i mësuesve dhe pedagogëve në shoqëri dhe reputacioni i tyre, këtë nuk mund ta bëni brenda natës. Prindërit dhe fëmijët duhet të kuptojnë se nuk është turp të të jetë i edukuar, por që është shumë e bukur dhe e dobishme si për individin ashtu edhe për komunitetin shoqëror, që njerëzit të edukohen sa më shumë”, tha i ftuari i RTS.
“Tjetër gjë, pranimet në shkollat e mesme dhe fillore…”, vazhdoi ai, por prezantuesja ia preu menjëherë fjalën.
“Kërkoj falje, në këtë moment duhet ta ndërpresim bisedën sepse po i bashkohemi transmetimit të drejtpërdrejtë nga Presidenca, ku do t’i drejtohet publikut presidenti i Serbisë, Aleksandar Vuçiq”, tha prezantuesi.
Shihni se si dukej momenti i ndërprerjes së bisedës.