Kryeministri australian, Anthony Albanese dhe homologu kinez Li Qiang u takuan në Canberra të hënën, për të diskutuar mbi tregtinë, sigurinë dhe një shkrimtar australian të burgosur.
Li është në një vizitë katër-ditore në Australi, e para nga një kryeministër kinez në shtatë vjet.
Albanese përshëndeti “dialogun e sinqertë” me zyrtarin e dytë më të lartë të Kinës, duke shtuar “Për Australinë, ne mbrojmë vazhdimisht rëndësinë e një rajoni dhe bote që është paqësore, e qëndrueshme dhe e begatë, ku vendet respektojnë sovranitetin dhe respektojnë ligjet ndërkombëtare”.
Takimi shënon një shkrirje të marrëdhënieve midis dy vendeve pasi Pekini bllokoi 20 miliardë dollarë (18.7 miliardë euro) të eksporteve australiane në mes të fërkimit me paraardhësit konservatorë të Albanese.
