Sot, Komandanti i misionit të KFOR-it të udhëhequr nga NATO, gjeneralmajor Özkan Ulutaş, vizitoi komandantin e EUFOR-Althea në Bosnje dhe Hercegovinë, gjeneralmajor Florin-Marian Barbu, në selinë e EUFOR-it në Kampin Butmir të Sarajevës. Në takim mori pjesë edhe zëvendëskomandanti i EUFOR-it, gjeneral brigadier Uberto Incisa di Camerana.
Takimi u fokusua në mbështetjen e KFOR-it për sigurinë në Kosovë, rolin e saj në promovimin e stabilitetit rajonal dhe bashkëpunimin e vazhdueshëm me EUFOR-in dhe selinë e NATO-s në Sarajevë, përfshirë aktivitetet e përbashkëta trajnuese.
Gjeneralmajor Ulutaş rikonfirmoi angazhimin e KFOR-it për të ruajtur një ambient të sigurt për të gjithë njerëzit dhe theksoi rëndësinë e koordinimit të ngushtë me EUFOR-in si pjesë e përpjekjes ndërkombëtare për forcimin e paqes dhe stabilitetit në Ballkanin Perëndimor.
KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, duke kontribuar në një mjedis të sigurt për të gjithë qytetarët dhe komunitetet në Kosovë, në koordinim të ngushtë me Policinë e Kosovës dhe Misionin e Sundimit të Ligjit të Bashkimit Evropian në Kosovë (EULEX).