Ish këshilltari i presidentit, Hashim Thaçi ka deklaruar se në Gjykatën Speciale në Hagë tashmë ka arritur shifra në tre milionë të dokumenteve e siç tha ai, deklaratave të shpifura kundër Ushtrisë Çlirimtare të Kosovës.
“Sot në Gjykatën e Hagës ku po përballet katërshja e Ushtrisë Çlirimtare të Kosovës janë do të thotë rreth 3 milionë faqe, dokumente që llogariten faqe për faqe, kanë arritur shifrën tre milionë që është një mal i madh i akuzave dhe dokumenteve. Duke filluar që nga deklaratat e shpifura, duke filluar nga gazetat që kanë shkruar me vite të tëra kundër Ushtrisë Çlirimtare të Kosovës, kundër njerëzve të UÇK’së. Domethënë një mal i shpifjeve që është ndërtuar poashtu edhe në dokumentet e shërbimeve sekrete serbe”, tha Syla në emisionin “N’PULT” me Resim Morinën.