Një grua në Obiliq ka raportuar se është kërcënuar me armë zjarri nga një person.
Sipas raportit të Policisë së Kosovës, bëhet e ditur se rasti ka ndodhur të enjten rreth orës 09:00 në fshatin Lajthishtë, Obiliq.
Sipas raportit policor, i dyshuari e ka kërcënuar viktimën pas një mosmarrëveshje që ata kishin mes vete.
Gjatë kontrollit të policisë, të dyshuarit i është gjetur dhe sekuestruar një armë e zjarrit dhe 10 fishekë dhe me vendim të prokurorit është dërguar në mbajtje.
“Fsh. Lajthishtë, Obiliq / 14.12.2023 – 09:00. Viktima femër nga Kosova ka raportuar se pas një mosmarrëveshje është kanosur me armë zjarri nga i dyshuari mashkull nga Kosova. Gjatë kontrollit në shtëpinë e të dyshuarit është gjetur dhe sekuestruar një armë zjarri me 10 fishekë. Palët janë intervistuar dhe me vendim të prokurorit i dyshuari është arrestuar dhe dërguar në mbajtje”, thuhet në njoftim.
/TV Arbëria