Kompania e Kosovës për Distribuim të Energjisë Elektrike (KEDS) njofton se për shkak të erërave të forta që përfshinë tërë territorin e Kosovës nga mbrëmë e që po vazhdojnë edhe sot, disa largpërçues janë jashtë funksionit.
Sipas KEDS-it, disa lagje në Pejë kanë mbetur pa energji elektrike.
“Dëmet janë shkaktuar kryesisht në përçues elektrikë dhe në shtylla elektrike, ndërkaq rajoni më i prekur është ai i Pejës”, njofton KEDS.
Po ashtu, sipas KEDS-it janë të angazhuar ekipet me qëllim të kthimit në normalitet për furnizim me rrymë.
/TV Arbëria