Psikologu Rron Kastrati ka folur rreth rolit të psikologut në shoqëri dhe se sa e gjejmë veten te psikologu në përgjithësi.
Kastrati në emisonin “N’PULT” me Resim Morina ka deklaruar se sot hasim në vështirësi në botëkuptimin e gjërë të problemeve, pasi sipas tij, ka raste ku psikologu identifikohet si një akter që trajton problemin por nuk e shëron atë.
“Në perspektivën tjetër sa e gjejmë veten te psikologu në rrugë private që të rrëfehemi e të përfitojmë shërbime, edhe kjo është domethënëse sepse ne sot hasim në vështirësi në botëkuptimin e gjërë të problemeve, sepse ka të atilla raste ku psikologu identifikohet si një akter që trajton problemin por nuk e shëron atë”, tha ai.
Derisa theksoi se psikologu trajton dhe rehabiliton problemin, por nuk shëron pasi siç tha ai, “kjo i bie të jesh magjistar”.
“Shikoni termi shërim shpesh herë keqinterpetohet nga publiku sepse të shërosh një problem, kjo i bie të jesh një magjistarë. Tash po e thëm kështu hipotetikisht, sepse nuk i takoj këtyre rrymave por të rehabilitosh e të trajtosh problemin duke respektuar paanshmërisht etikën profesionale, konfidencialitetin dhe besueshmërinë, kjo e bënë shumë më produktive dhe rezultative rolin e psikologut në shoqëri”, tha tutje Kastrati në TV ARBËRIA.