Psikologu, Rron Kastrati ka thënë se si shoqëri kosovare jemi duke i tejkaluar fazat apo hapat fillestarë të faktorizimit dhe funksionalitetit të rolit të psikologut.
I ftuar në emisionin “N’PULT”, Kastrati tha se kjo ka ndodhur që në fazën e hershme gjatë pandemisë.
“Ne mendoj që po i tejkalojmë fazat apo hapat fillestarë të faktorizimit dhe funksionalitetit të rolit të psikologut në shoqëri, dhe kjo ka ndohur veçse që në fazat e hershme të periudhës së pandemisë. Unë kam qenë njëri prej atyre që vullnetarisht, kam shprehur gatishmërinë time që të bashkëpunoj me akterët relevantë institucional,me komunën e Prizrenit të organizojmë grupe punuese për këshillim psikologjik nga linja telefonike në kuadër të pandemisë dhe aty kemi pa madje kemi të gjetura se aty ka pasë interesim të jashtëzakonshëm dhe njerëzit kanë filluar ta sfidojnë stigmën dhe tabunë, idenë se të shkosh te psikologu mund të jesh anormal”, tha Kastrati në TV ARBËRIA.