Kryetari i Komunës së Malishevës, Ekrem Kastrati ka thënë se bashkëpunimi me Shqipërinë duhet të jetë synim i përhershëm.
Katrati në Facebook njoftoi se sot ka zhvilluar takim me kryetarin e Lezhës, Pjerin Ndreu duke theksuar se ky është një hap tutje drejt thellimit të bashkëpunimit mes të dyja vendeve.
“Vizita e sotme në Lezhë dhe takimi me kryetarin tejet mikpritës që e drejton këtë Bashki, mikun tim z. Pjerin Ndreu dhe stafin e tij, është edhe një hap tutje drejt thellimit të bashkëpunimit mes Malishevës dhe Lezhës, në fusha të shumta e me interes të përbashkët”, tha Kastrati.
Derisa sipas tij, “e ardhmja na pret me një bashkëpunim konkret në fusha si kultura, turizmi e agroturizmi, fusha në të cilat komuna jonë ka shumë nevojë në shkëmbimin e përvojave, veçmas nga një zonë si Lezha që ka përparuar shumë në këtë drejtim”.