Analisti politik Afrim Kasolli, në ARB Debat me Rid Berishën, ka folur për zgjedhjet që u mbajtën në Gjermani.
Ai ka potencuar se gjatë mandatit të ardhshëm, shqetësimi i Gjermanisë mbetet pakësimi i rolit të NATO-së në Evropë.
“Kjo është sfida kryesore që do të përballet Gjermania gjatë këtij mandati. Shqetësimi i saj mbi pakësimin e rolit të NATO-së në kontinentin evropian, ka të bëjë edhe me një temë që e ka hapur vetë kancelari në ardhje, i cili thotë se a duhet të ketë Gjermania edhe armët e saj bërthamore, dhe mos të mbështetet vetëm tek stacionimi i armëve bërthamore amerikane që ia garantojnë sigurinë Gjermanisë për shkak të Rusisë, dhe këtu Gjermania ka disa obligime ndërkombëtare që i ndalojnë posedimin e armëve të tilla pas Luftës së Dytë Botërore,” ka potencuar Kasolli. /TV Arbëria