Analisti Afrim Kasolli ka reaguar në Facebook lidhur me vendimin e presidentes Vjosa Osmani që të mos e emërojë anëtarin e ri të KQZ-së para përfundimit të mandatit të saj, duke ia lënë këtë çështje kryetares së Kuvendit, Albulena Haxhiu.
Sipas tij, për këtë pozitë kanë pretendime si Lëvizja Vetëvendosje, që i mbështet kërkesat në bazë të numrit të deputetëve dhe votave elektorale, ashtu edhe PDK, duke u bazuar në praktikën tradicionale të ndarjes së ulëseve në KQZ mes partive parlamentare.
Kasolli vlerëson se ushtruesja e detyrës së presidentes mund t’i japë përparësi partisë së saj, gjë që sipas tij mund të kontestohet në Gjykatën Kushtetuese dhe të thellojë krizën politike.
Ai shton se arsyet e këtij vendimi janë më shumë politike sesa juridike dhe se Osmani po e përfundon mandatin duke i dhënë një favor të fundit Vetëvendosjes.