Ekzekutuesi i pasurisë së Donna Summer ka ngritur një padi kundër Kanye West dhe Ty Dolla $ign, duke pretenduar se muzikantët “vendosën se thjesht do të vidhnin” këngën e saj I Feel Love “dhe do ta përdornin pa leje” në albumin e tyre Vultures.
Padia është ngritur nga Bruce Sudano, burri i ve i Donna Summer. Aty thuhet se dyshja nuk ishin të autorizuar të përdorin I Feel Love për këngën e tyre Good (Don’t Die), e cila është hequr nga shërbimet e transmetimit pas një ankese të mëparshme.
Paditësit pretendojnë se padia ka të bëjë me “më shumë sesa thjesht dështimin e të pandehurve për të paguar tarifën e duhur të licencimit për përdorimin e pronës muzikore të tjetrit.
Bëhet fjalë gjithashtu për të drejtat e artistëve për të vendosur sesi veprat e tyre përdoren dhe prezantohen në publik, dhe nevojën për të parandaluar këdo që thjesht të vjedhë vepra krijuese kur nuk mund të sigurojë të drejtën për t’i përdorur ato në mënyrë të ligjshme.
West dhe Ty Dolla $ign nuk kanë komentuar mbi padinë.
TV Arbëria